Son Xəbər: Azərbaycan XİN Lixtenşteynin Milli Gününü təbrik edib, FHN küləkli havada çimərliklərə gedən vətəndaşlara xəbərdarlıq edib, Li Çje Myon sabit Koreya yarımadasının yaradılmasına çağırıb, “28 May” və “Nizami” stansiyaları arasında qatarların hərəkəti dayandırıldı, Azərbaycan manatının dövriyyəyə buraxılmasından 34 il keçir, “Reuters”: Türkiyə Ukraynanın Qara dənizdəki zərbələrindən sonra Rusiyadan neft alışını azaldır, ƏƏSMN çağırışçıların yekun tibbi müayinəyə cəlb edilməsi məsələsinə aydınlıq gətirib, Sabah güclü külək əsəcək - XƏBƏRDARLIQ, SEPAH: ABŞ-nin "MQ-9" dronu vurulub, Baş Qərargah: Ukrayna Rusiyanın iki retranslyatorunu və beş PUA idarəetmə məntəqəsini məhv edib,

Li Çje Myon sabit Koreya yarımadasının yaradılmasına çağırıb

Tarix: Bugün, 10:15

Cənubi Koreya Prezidenti Li Çje Myon dinc yanaşı yaşamağa nail olmaq üçün Koreya Xalq Demokratik Respublikası (KXDR) ilə danışıqlara çağırıb.

Cənubi Koreya lideri belə bəyanatla ölkənin müstəqillik gününün ildönümündə çıxış edib.

"Gəlin bir-birimizi təhdid etməkdən əl çəkək və münaqişəyə birbaşa cəlb olunmuş tərəflər kimi uzun illər davam edən müharibəyə son qoymaq üçün danışıqlara başlayaq", - Li Çje Myon bildirib.

O əlavə edib ki, danışıqlar çərçivəsində həmçinin Şimalın nüvə potensialının inkişafını dayandırmağın səmərəli yollarını da müzakirə etmək olar.

Cənubi Koreya ilə KXDR formal olaraq müharibə vəziyyətindədir. Belə ki, 1950-1953-cü illər Koreya müharibəsi sülh müqaviləsi ilə deyil, atəşkəs haqqında sazişin imzalanması ilə başa çatıb.

Li qeyri-sabit barışıq sistemini sülh rejimi ilə əvəz etmək niyyətində olduğunu bildirib.

O, gərginliyə və qarşıdurmaya nəzarət etmək, həmçinin böhranların qarşısını almaq üçün çoxsəviyyəli təhlükəsizlik sisteminin yaradılmasının zəruriliyini vurğulayıb.

Onun sözlərinə görə, Seul Koreya yarımadasında təhlükəsizlik sahəsindəki vəziyyətə uyğun olaraq sülh naminə qabaqlayıcı və ardıcıl tədbirlər görəcək.

"Şimalı müsbət cavab verməyə təşviq edərək, sabit Koreya yarımadası yaradacağam", - prezident bildirib.